ഈ മാസത്തെ ക്ഷേമപെൻഷൻ വിതരണം ഇന്നുമുതൽ; ജൂലായ് മൂന്നിനുള്ളിൽ പൂർത്തിയാക്കണം

തിരുവനന്തപുരം: ഈ മാസത്തെ ക്ഷേമപെൻഷൻ ബുധനാഴ്ച വിതരണം തുടങ്ങും. 51.70 ലക്ഷം പേർക്ക് പെൻഷൻ വിതരണംചെയ്യാൻ 952 കോടി രൂപ അനുവദിച്ചതായി ധനവകുപ്പ് അറിയിച്ചു.

വാർധക്യ പെൻഷൻ, ഭിന്നശേഷി പെൻഷൻ, വിധവാപെൻഷൻ എന്നിവയിൽ ഉൾപ്പെട്ട 8.46 ലക്ഷംപേർക്കായി 24.76 കോടി രൂപയും അനുവദിച്ചു. ക്ഷേമനിധി ബോർഡുകളിലെ 65,952 പേർക്ക് ജൂണിലെ പെൻഷൻ നൽകാൻ 128 കോടി രൂപയും അനുവദിച്ചു. പെൻഷൻ വിതരണം ജൂലായ് മൂന്നിനുള്ളിൽ പൂർത്തിയാക്കാനാണ് നിർദേശം.