Bengaluru: ವಿದ್ಯಾರ್ಥಿ 2 ನಿಮಿಷ ತಡವಾಗಿ ಬಂದಿದ್ದಕ್ಕೆ 2 ಗಂಟೆ ಬಿಸಿಲಿನಲ್ಲಿ ನಿಲ್ಲಿಸಿದ್ರಾ? ಖಾಸಗಿ ಶಾಲೆ ವಿರುದ್ಧ ಪೋಷಕರ ಆರೋಪ

ಬೆಂಗಳೂರು (ಮಾ.14): ಮಕ್ಕಳ ತಪ್ಪಿಗೆ ತಿದ್ದಿ-ಬುದ್ದಿ ಹೇಳುವ ಶಿಕ್ಷಕರೇ (Teacher) ತಪ್ಪು ಮಾಡಿದ್ರೆ ಹೇಗೆ? ಏನೂ ಅರಿಯದ 1ನೇ ಕ್ಲಾಸ್​​ ಬಾಲಕ 2 ನಿಮಿಷ ತಡವಾಗಿ ಬಂದ ಅನ್ನೋ ಕಾರಣಕ್ಕೆ ಅವನನ್ನು 2 ಗಂಟೆ ಬಿಸಿಲಿನಲ್ಲಿ ನಿಲ್ಲಿಸಿದ್ದಾರೆ ಎಂದು ಖಾಸಗಿ ಶಾಲೆ (Private School) ವಿರುದ್ಧ ಪೋಷಕರು (Perents) ಆರೋಪ ಮಾಡಿದ್ದಾರೆ. ಈ ವಿಚಾರ ಪೋಷಕರು ಹಾಗೂ ಪ್ರಿನ್ಸಿಪಾಲ್ ನಡುವಿನ ಜಟಾಪಟಿಗೆ ಕಾರಣವಾಗಿದೆ. ಪೋಷಕರಿಂದ ಪ್ರಿನ್ಸಿಪಾಲ್​​ಗೆ ಕ್ಲಾಸ್! ಎರಡು ನಿಮಿಷ ತಡವಾಗಿ ಬಂದಿದ್ದಕ್ಕೆ 2 ಗಂಟೆ ಬಿಸಿಲಲ್ಲಿ ನಿಲ್ಲಿಸಿದ್ದಾರೆ ಎಂದು ಬಾಲಕನ ಪೋಷಕರು ಖಾಸಗಿ ಶಾಲೆ ಪ್ರಿನ್ಸಿಪಾಲ್​ ವಿರುದ್ಧ ಆರೋಪ ಮಾಡಿದ್ದಾರೆ. 

ತಡವಾಗಿ ಬಂದ ಬಾಲಕನ ಕೈಗೆ ಪುಸ್ತಕ ಕೊಟ್ಟು 2 ಗಂಟೆ ಬಿಸಿಲಿನಲ್ಲಿ ನಿಲ್ಲಿಸಿದ್ದಾರೆ ಎಂದು ಪೋಷಕರು ಪ್ರಿನ್ಸಿಪಾಲ್​​ ಅವರನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ. 2 ಗಂಟೆ ಬಿಸಿಲಿನಲ್ಲಿ ನಿಲ್ಲಿಸಿದ್ದು ಸರಿಯೇ? ಪೋಷಕರು ಮಗನಿಗೆ ಕೊಟ್ಟ ಶಿಕ್ಷೆ ಬಗ್ಗೆ ಪ್ರಶ್ನಿಸಿದ್ದಕ್ಕೆ ಪ್ರಿನ್ಸಿಪಾಲ್​​ ಬೇಜವಾಬ್ದಾರಿ ಉತ್ತರ ಕೊಟ್ಟಿದ್ದಾರೆ ಎನ್ನಲಾಗ್ತಿದೆ. ಒಂದನೇ ತರಗತಿ ಮಗು ಎರಡು ನಿಮಿಷ ತಡವಾಗಿ ಬಂದಿದ್ದಕ್ಕೆ ಎರಡು ಗಂಟೆ ಬಿಸಿಲಿನಲ್ಲಿ ನಿಲ್ಲಿಸಿರೋ ಘಟನೆ ಯಲಹಂಕದ ಅಟ್ಟೂರ್ ಲೇಔಟ್ ನ‌ಲ್ಲಿರೋ ಖಾಸಗಿ ಶಾಲೆಯೊಂದರಲ್ಲಿ ನಡೆದಿದೆ. ಇನ್ಮುಂದೆ ಪಿಟಿ ಪಿರಿಯಡ್​ ಇರಲ್ಲ ಬಿಸಿಲಲ್ಲಿ‌ ನಿಲ್ಲಿಸೋದ್ರಿಂದ ಮಕ್ಕಳಿಗೆ ತೊಂದರೆಯಾಗೋದಾದ್ರೆ. ಇನ್ಮುಂದೆ ಮಕ್ಕಳಿಗೆ ಪಿಟಿ ಪಿರಿಯಡ್​ ಇರಲ್ಲ. ಅವಾಗ್ಲೂ‌ ಮಕ್ಕಳು ಬಿಸಿಲಲ್ಲೇ ಅಡೋದಲ್ವಾ ಎಂದು ಪ್ರಿನ್ಸಿಪಾಲ್ ಉತ್ತರ ಕೊಟ್ಟಿದ್ದಾರೆ. ಈ ವೇಳೆ ಸಿಟ್ಟಾದ ಪೋಷಕರು ಆಡಳಿತ ಮಂಡಳಿಯವರನ್ನ ತರಾಟೆಗೆ ತೆಗೆದುಕೊಂಡಿದ್ದಾರೆ.