തമിഴ് സാഹിത്യകാരൻ വൈരമുത്തുവിന് ജ്ഞാനപീഠം

തമിഴ് കവിയും ഗാനരചയിതാവുമായ ആർ. വൈരമുത്തുവിന് 2025-ലെ ജ്ഞാനപീഠം. തമിഴ് സാഹിത്യത്തിന് അദ്ദേഹം നൽകിയ സമഗ്ര സംഭാവനകൾ പരിഗണിച്ചാണ് ഈ ബഹുമതി നൽകിയത്. 11 ലക്ഷം രൂപയും വാഗ്ദേവതാ ശില്പവും ഫലകവുമടങ്ങുന്നതാണ് രാജ്യത്തെ പരമോന്നത സാഹിത്യ പുരസ്കാരമായ ജ്ഞാനപീഠം. 2002-ന് ശേഷം തമിഴ് സാഹിത്യത്തിലേയ്ക്ക് ജ്ഞാനപീഠം വൈരമുത്തുവിലൂടെയാണ് എത്തുന്നത്. ഈ പുരസ്കാരം നേടുന്ന മൂന്നാമത്തെ തമിഴ് സാഹിത്യകാരനാണ് അദ്ദേഹം. മുൻപ്, പത്മശ്രീ, പത്മഭൂഷൺ ബഹുമതികൾ നൽകി രാജ്യം അദ്ദേഹത്തെ നേരത്തെ ആദരിച്ചിട്ടുണ്ട്.

പത്താം വയസ്സിൽ കവിതയെഴുതി തുടങ്ങിയ കാവ്യ ജീവിതമാണ് അ​ദ്ദേഹത്തിന്റെ. സ്കൂൾ കാലഘട്ടത്തിൽ തന്നെ മികച്ച കവിയായി പേരെടുക്കുകയും ചെയ്തിരുന്നു. കവിതാസമാഹാരങ്ങളും നോവലുകളും ഉൾപ്പെടെ 37 പുസ്തകങ്ങൾ രചിച്ചു. ഇവ മലയാളം, ഇംഗ്ലീഷ്, ഹിന്ദി തുടങ്ങി നിരവധി ഭാഷകളിലേയ്ക്കും വിവർത്തനം ചെയ്തിട്ടുണ്ട്. 1980-ൽ ‘നിഴൽകൾ’ എന്ന ചിത്രത്തിലൂടെ ചലച്ചിത്ര രംഗത്തെത്തിയ അദ്ദേഹം 7,500-ലധികം പാട്ടുകൾ രചിച്ചിട്ടുണ്ട്. 7 തവണ മികച്ച ഗാനരചയിതാവിനുള്ള ദേശീയ പുരസ്കാരവും, 6 തവണ തമിഴ്‌നാട് സംസ്ഥാന പുരസ്കാരവും, സാഹിത്യ അക്കാദമി അവാർഡും അദ്ദേഹത്തിന് ലഭിച്ചിട്ടുണ്ട്.