SSC నోటిఫికేషన్ విడుదల: మొత్తం 731 పోస్టులు.. ఇంటర్ అర్హతతో కేంద్ర ప్రభుత్వ ఉద్యోగావకాశం..

కేంద్ర ప్రభుత్వంలోని ప్రతిష్టాత్మక మంత్రిత్వ శాఖలు, వివిధ ప్రభుత్వ విభాగాల్లో కొలువు సాధించాలనుకునే నిరుద్యోగులకు స్టాఫ్ సెలెక్షన్ కమిషన్ (ఎస్ఎస్​సీ) తీపి కబురు అందించింది. స్టెనోగ్రాఫర్ గ్రేడ్ సి & డి పోస్టుల భర్తీ కోసం నోటిఫికేషన్‌ విడుదల చేసింది. ఇంటర్మీడియట్ విద్యార్హత ఉండి, స్టెనోగ్రఫీలో నైపుణ్యం కలిగిన అభ్యర్థులకు ఇది ఒక అద్భుతమైన అవకాశం. ఈ నోటిఫికేషన్ ద్వారా మొత్తం 731 ఖాళీలను భర్తీ చేయనున్నారు. ఏప్రిల్ 24 నుంచి ఆన్‌లైన్ దరఖాస్తుల ప్రక్రియ ప్రారంభమైంది. కేంద్ర ప్రభుత్వ స్థాయిలో ఉద్యోగం, స్థిరమైన కెరీర్ ఆశించే వారికి ఇది సరైన సమయం.