IND vs PAK : ಭಾರತದ ಎದುರು ಪಾಕ್ ಸೋಲಲು ಕಾರಣವಾಗಿದ್ದೇ ಕ್ಯಾಪ್ಟನ್​​ನ ಮೂರ್ಖತನ! ಇದೇ ಕಾರಣಕ್ಕೆ ಸೋತ್ರು ಪಾಕಿಗಳು

ಭಾರತ ಹಾಗೂ ಪಾಕಿಸ್ತಾನ ನಡುವಿನ ಐಸಿಸಿ ಟಿ20 ವಿಶ್ವಕಪ್ ಹೈವೋಲ್ಟೇಜ್ ಪಂದ್ಯದಲ್ಲಿ ಟೀಮ್ ಇಂಡಿಯಾ 60 ರನ್‌ಗಳ ಭರ್ಜರಿ ಜಯ ಸಾಧಿಸಿದೆ. ಮೊದಲು ಬ್ಯಾಟಿಂಗ್ ಮಾಡಿದ ಭಾರತ 175 ರನ್‌ಗಳ ಸ್ಪರ್ಧಾತ್ಮಕ ಮೊತ್ತವನ್ನು ಕಲೆಹಾಕಿತು. ಈ ಗುರಿಯನ್ನು ಬೆನ್ನಟ್ಟಿದ ಪಾಕಿಸ್ತಾನ 18 ಓವರ್‌ಗಳಲ್ಲಿ ಕೇವಲ 114 ರನ್‌ಗಳಿಗೆ ಆಲೌಟ್ ಆಗಿ ಸಂಪೂರ್ಣವಾಗಿ ಕುಸಿತ ಕಂಡಿತು. ಟೂರ್ನಿಯಲ್ಲಿ ಭಾರತ ತನ್ನ ಗೆಲುವಿನ ಸರಣಿಯನ್ನು ಮುಂದುವರಿಸಿಕೊಂಡಿದೆ. ಪಂದ್ಯದ ಆರಂಭದಲ್ಲಿ ಅಭಿಷೇಕ್ ಶರ್ಮಾ ವಿಕೆಟ್ ಪಡೆಯುವ ಮೂಲಕ ಪಾಕಿಸ್ತಾನ ಮೇಲುಗೈ ಸಾಧಿಸಿದಂತಾಗಿತ್ತು. 

ಆದರೆ ನಾಯಕ ಸಲ್ಮಾನ್ ಆಘಾ ತೆಗೆದುಕೊಂಡ ಕೆಲವು ತಂತ್ರಾತ್ಮಕ ನಿರ್ಧಾರಗಳು ದುಬಾರಿಯಾದವು. ಪ್ರಮುಖ ಬೌಲರ್ ಉಸ್ಮಾನ್ ತಾರಿಕ್ ಅವರನ್ನು ಮೊದಲ 10 ಓವರ್‌ಗಳಲ್ಲಿ ಬಳಸದೇ ಇರುವುದೇ ದೊಡ್ಡ ತಪ್ಪಾಗಿ ಪರಿಣಮಿಸಿತು. ಜೊತೆಗೆ, ಆಘಾ ತಮ್ಮ ಓವರ್‌ಗಳನ್ನು ಪೂರ್ಣಗೊಳಿಸದೇ ಶಾಹಿನ್ ಅಫ್ರಿದಿಗೆ ಓವರ್ ನೀಡಿದ್ದು, ಆ ಓವರ್‌ನಲ್ಲಿ ಭಾರತ 16 ರನ್ ಗಳಿಸಿ ಪಂದ್ಯವನ್ನು ತಮ್ಮ ಕಡೆಗೆ ತಳ್ಳಿತು. 

 ಬ್ಯಾಟಿಂಗ್‌ನಲ್ಲಿ ಉಸ್ಮಾನ್ ಖಾನ್ 34 ಎಸೆತಗಳಲ್ಲಿ 44 ರನ್ ಗಳಿಸಿ ಹೋರಾಟ ತೋರಿದರೂ, ಇತರ ಆಟಗಾರರಿಂದ ಬೆಂಬಲ ಸಿಗಲಿಲ್ಲ. ಭಾರತ ಪರ ಇಶಾನ್ 77 ರನ್‌ಗಳ ಅದ್ಭುತ ಇನ್ನಿಂಗ್ಸ್ ಆಡಿದ್ದು, ತಂಡವನ್ನು 175 ರನ್‌ಗಳಿಗೆ ತಲುಪಿಸಿದರು. ಗುರಿ ಬೆನ್ನಟ್ಟುವಾಗ ಪಾಕಿಸ್ತಾನ ಒತ್ತಡಕ್ಕೆ ಒಳಗಾಗಿ ಕ್ರಮೇಣ ವಿಕೆಟ್ ಕಳೆದುಕೊಂಡು ಸೋಲನುಭವಿಸಿತು. ಒಟ್ಟಾರೆ ನಾಯಕತ್ವದ ತಪ್ಪು ನಿರ್ಧಾರಗಳು ಮತ್ತು ಒತ್ತಡದಲ್ಲಿ ಕುಸಿದ ಬ್ಯಾಟಿಂಗ್ ಪಾಕಿಸ್ತಾನದ ಸೋಲಿಗೆ ಪ್ರಮುಖ ಕಾರಣಗಳಾಗಿವೆ.