പാകിസ്ഥാന്റെ സ്പിന് പടയ്ക്ക് മുന്നില് ഇന്ത്യക്ക് അടിതെറ്റുമോ? അണിനിരത്തുക അഞ്ച് സ്പിന്നര്മാരെ
കൊളംബോ: ഫെബ്രുവരി 15ന് നടക്കാനിരിക്കുന്ന ഇന്ത്യ-പാകിസ്ഥാന് പോരാട്ടത്തിന് മുന്നോടിയായി ക്രിക്കറ്റ് ലോകം ചര്ച്ച ചെയ്യുന്നത് പാകിസ്ഥാന്റെ മാരകമായ സ്പിന് നിരയെക്കുറിച്ചാണ്. തുടര്ച്ചയായ രണ്ട് വിജയങ്ങളുമായി ഗ്രൂപ്പ് എയില് ഒന്നാമതുള്ള പാകിസ്ഥാന്, തങ്ങളുടെ സ്പിന് കരുത്തില് നിലവിലെ ചാമ്പ്യന്മാരായ ഇന്ത്യയെ വീഴ്ത്താമെന്ന ആത്മവിശ്വാസത്തിലാണ്.
പാക് നിരയില് ഇന്ത്യ ഏറ്റവും ഭയപ്പെടേണ്ടത് ഉസ്മാന് താരിഖിനെയാണ്. ഫുട്ബോള് താരം ബ്രൂണോ ഫെര്ണാണ്ടസ് പെനാല്റ്റി എടുക്കാന് വരുന്നതുപോലെ, റണ്-അപ്പിനിടയില് പെട്ടെന്ന് നിശ്ചലനായി പന്തെറിയുന്ന താരിഖിന്റെ ശൈലി ബാറ്റര്മാരെ കുഴപ്പിക്കുന്നു. 2025 മാര്ച്ച് 24 മുതല് കളിച്ച 23 മത്സരങ്ങളിലും വിക്കറ്റ് വീഴ്ത്തിയ റെക്കോര്ഡുമായാണ് താരിഖ് വരുന്നത്.