വർഷങ്ങളോളം രാജ്യത്തിനായി സേവനം ചെയ്ത അദ്ദേഹത്തെ പിന്തുണച്ചും വിമർശിച്ചും നിരവധി പേരാണ് സമൂഹമാധ്യമങ്ങളിൽ രംഗത്തെത്തിയത്
മേജർ സാംബ്യാലിന്റെ പെയ്ഡ് ഇൻസ്റ്റഗ്രാം സബ്സ്ക്രിപ്ഷൻ; അനുകൂലിച്ചും എതിർത്തും സോഷ്യൽ മീഡിയ
രാഷ്ട്രപതി ദ്രൗപതി മുർമുവിന്റെ സൈനിക സഹായി (എഡിസി) ആയിരുന്ന പാരാ സ്പെഷ്യൽ ഫോഴ്സ് ഓഫീസർ മേജർ ഋഷഭ് സിങ് സംബ്യാൽ അടുത്തിടെയാണ് സൈനിക സേവനത്തിൽ നിന്ന് വിരമിച്ചത്. 12 വർഷത്തെ സേവനത്തിന് ശേഷമായിരുന്നു അദ്ദേഹത്തിന്റെ വിരമിക്കൽ. രാഷ്ട്രപതിക്കൊപ്പമുള്ള മേജർ സംബ്യാലിന്റെ ചിത്രങ്ങളും വീഡിയോകളും സമൂഹമാധ്യമങ്ങളിൽ ഒരു ഘട്ടത്തിൽ വ്യാപകമായി പ്രചരിച്ചിരുന്നു.
വിരമിച്ച മേജർ ഋഷഭ് സിംഗ് സാംബിയാൽ, പണമടച്ചുള്ള ഇൻസ്റ്റാഗ്രാം സബ്സ്ക്രിപ്ഷൻ ആരംഭിച്ചതുമായി ബന്ധപ്പെട്ട് വലിയ ഓൺലൈൻ ചർച്ചകൾക്ക് വഴിവെച്ചിരിക്കുകയാണ്. ജാട്ട് റെജിമെന്റിലും 4 പാരാ സ്പെഷ്യൽ ഫോഴ്സിലും 12 വർഷം സേവനമനുഷ്ഠിച്ച് അദ്ദേഹം തന്റെ ഇൻസ്റ്റാഗ്രാം പേജിൽ 180 രൂപ വിലയുള്ള സബ്സ്ക്രിപ്ഷൻ അവതരിപ്പിച്ചതാണ് വിവാദങ്ങൾക്ക് കാരണം.
@amitkilhor എന്ന എക്സ് ഉപയോക്താവ് ഈ വിവരം പുറത്തുവിട്ടതോടെയാണ് വിഷയം ചർച്ചയായത്. മുൻ സൈനിക ഉദ്യോഗസ്ഥൻ ഉള്ളടക്കത്തിന് പണം ഈടാക്കുന്നത് സൈന്യത്തിന് നാണക്കേടാണെന്ന് ചിലർ വാദിച്ചപ്പോൾ, വിരമിക്കലിനുശേഷമുള്ള പുതിയ പ്രൊഫഷണൽ അവസരങ്ങളും വരുമാന മാർഗ്ഗങ്ങളും തേടാൻ അദ്ദേഹത്തിന് പൂർണ്ണ സ്വാതന്ത്ര്യമുണ്ടെന്ന് മറുവിഭാഗം ചൂണ്ടിക്കാട്ടി. എക്സ്ക്ലൂസീവ് ഉള്ളടക്കങ്ങൾക്കും 'ആസ്ക് മി എയ്തെങ്' സെഷനുകൾക്കുമായി ഏതാണ്ട് 1,200-ഓളം സബ്സ്ക്രൈബർമാരാണ് നിലവിലുള്ളത്.
