മനുഷ്യ സഹായമില്ലാതെ സൈബർ സുരക്ഷാ പ്രശ്നങ്ങൾ കണ്ടെത്തും; GPT-6 ആസ്ട്രാ അവതരിപ്പിച്ച് ഓപ്പൺഎഐ

ഓപ്പൺഎഐ ജി.പി.ടി-6 ആസ്ട്രാ പുറത്തിറക്കി. ഒപ്പൺഎഐയുടെ സ്വന്തം സുരക്ഷാ ചട്ടക്കൂടിനു കീഴിൽ സൈബർ സുരക്ഷയ്ക്കുള്ള "ക്രിട്ടിക്കൽ" പരിധിയിലെത്തുന്ന ആദ്യത്തെ ഒപ്പൺഎഐ മോഡലാണ് ആസ്ട്രാ. ലളിതമായി പറഞ്ഞാൽ, മനുഷ്യരുടെ സഹായമില്ലാതെ തന്നെ സുരക്ഷിതമായ സംവിധാനങ്ങളിലെ ഇതുവരെ കണ്ടെത്താത്ത സുരക്ഷാ തകരാറുകൾ സ്വയം കണ്ടെത്താൻ ഇതിന് സാധിക്കും.ഇതുമൂലം, ആസ്ട്രാ കൂടുതൽ വ്യാപകമായി പുറത്തിറക്കുമ്പോഴും അതിന്റെ ഏറ്റവും ശക്തമായ സൈബർ സുരക്ഷാ ശേഷികൾ ചെറിയൊരു കൂട്ടം വിശ്വസ്തരായ ടെസ്റ്റർമാർക്ക് മാത്രമായി പരിമിതപ്പെടുത്തുമെന്ന് ഒപ്പൺഎഐ ഈ ആഴ്ച വ്യക്തമാക്കിയിട്ടുണ്ട്
ലോകത്തിലെ ഏറ്റവും ബുദ്ധിയുള്ളതും സുരക്ഷിതമായതുമായ മോഡൽ എന്നാണ് ഒപ്പൺഎഐ ആസ്ട്രയെ വിശേഷിപ്പിക്കുന്നത്. ഫ്രോണ്ടിയർമാത്ത് ടയർ 4-ൽ 98 ശതമാനം സ്കോറാണ് ഇത് നേടിയിട്ടുള്ളത്. ഗണിതശാസ്ത്രത്തിലെ പരിഹരിക്കപ്പെടാത്ത പല പ്രശ്നങ്ങളും പരിഹരിക്കാൻ സഹായിച്ചിട്ടുള്ള ഒരു ബെഞ്ച്മാർക്കാണിത്. പൊതുവായ ന്യായവാദങ്ങളും പൊരുത്തപ്പെടാനുള്ള കഴിവും പരിശോധിക്കാൻ നിർമ്മിച്ച എ.ആർ.സി-എ.ജി.ഐ-3 ബെഞ്ച്മാർക്കിൽ ഇത് 99.9 ശതമാനം സ്കോർ നേടി. സൈബർ സുരക്ഷാ പരീക്ഷയായ എക്സ്പ്ലോയിറ്റ്ബെഞ്ചിൽ ഇത് 100 ശതമാനം വിജയം കൈവരിച്ചു.
എ.ആർ.സി-എ.ജി.ഐ-3 ലെവലുകളിൽ 96 ശതമാനത്തിലും ഒപ്പൺഎഐയുടെ സ്വന്തം മനുഷ്യ പ്രവർത്തന-ക്ഷമതാ ബേസ്‌ലൈനെ ആസ്ട്രാ മറികടന്നു. അതായത് ഇത് പ്രശ്നങ്ങൾ പരിഹരിക്കുക മാത്രമല്ല, ഒരു മനുഷ്യൻ ചെയ്യുന്ന അതേ വേഗതയിലും കൃത്യതയിലും ചെയ്യുമെന്ന് സാരം.