హైదరాబాద్లో వీధి కుక్కల నియంత్రణకు GHMC ప్రత్యేక డ్రైవ్!
హైదరాబాద్లో ‘ప్రజా పాలన - ప్రగతి ప్రణాళిక’లో భాగంగా జీహెచ్ఎంసీ (GHMC) మంగళవారం నాడు వీధి కుక్కల సంక్షేమం మరియు నియంత్రణ కోసం ప్రత్యేక కార్యక్రమాన్ని చేపట్టింది. నగరంలోని అన్ని సర్కిళ్లలో వెటర్నరీ విభాగం ఆధ్వర్యంలో నిర్వహించిన ఈ డ్రైవ్లో భాగంగా 27 ఇండియన్ బ్రీడ్ కుక్క పిల్లలను దత్తత ఇచ్చారు.
అలాగే, 69 వీధి కుక్కలకు గర్భనిరోధక శస్త్రచికిత్సలు (sterilisation) నిర్వహించగా, 495 కుక్కలకు రేబీస్ నివారణ టీకాలు వేశారు. నగరంలో వీధి కుక్కల జనాభాను క్రమబద్ధీకరించడం, రేబీస్ వ్యాప్తిని అరికట్టడం మరియు జంతు సంక్షేమాన్ని ప్రోత్సహించడం ఈ కార్యక్రమం ముఖ్య ఉద్దేశమని అధికారులు తెలిపారు. ప్రజలు వీధి కుక్కలను దత్తత తీసుకుని, వాటి రక్షణకు సహకరించాలని వారు విజ్ఞప్తి చేశారు.