ವಿಫಲವಾದ ಪಾಕಿಸ್ಥಾನ;ಯಾವುದೇ ಒಪ್ಪಂದವಿಲ್ಲದೆ ಹಿಂತಿರುಗುತ್ತಿದ್ದೇವೆ: ಜೆಡಿ ವ್ಯಾನ್ಸ್
ಇಸ್ಲಾಮಾಬಾದ್: 40 ದಿನಗಳಿಗೂ ಹೆಚ್ಚು ಕಾಲ ನಡೆದ ಮಧ್ಯಪ್ರಾಚ್ಯ ಯುದ್ಧದ ಕುರಿತು ಅಮೆರಿಕ ಮತ್ತು ಇರಾನ್ ಒಪ್ಪಂದಕ್ಕೆ ಬರಲು ಸಾಧ್ಯವಾಗದ ಕಾರಣ ಭಾರೀ ನಿರೀಕ್ಷಿತ ಮಾತುಕತೆಗಳು ವಿಫಲವಾಗಿದೆ.
ಅಮೆರಿಕದ ಉಪಾಧ್ಯಕ್ಷ ಜೆಡಿ ವ್ಯಾನ್ಸ್, ಅಮೆರಿಕದ ನಿಯೋಗ ತಂಡವು ಯಾವುದೇ ಒಪ್ಪಂದಕ್ಕೆ ಬರದೆ ಮರಳುತ್ತಿದೆ ಎಂದು ಘೋಷಿಸಿದ್ದಾರೆ. ಇದರಿಂದಾಗಿ ದೊಡ್ಡ ಪಾತ್ರ ವಹಿಸುವ ಕನಸು ಕಂಡಿದ್ದ ಪಾಕಿಸ್ಥಾನದ ಯತ್ನ ವಿಫಲವಾಗಿದೆ.
21 ಗಂಟೆಗಳ ಕಾಲ ನಡೆದ ಮಾತುಕತೆಗಳು ಯಾವುದೇ ಫಲ ನೀಡದ ಕಾರಣ, ಅಮೆರಿಕ ನಿಯೋಗ ತಂಡದ ನೇತೃತ್ವ ವಹಿಸಿದ್ದ ಅಮೆರಿಕ ಉಪಾಧ್ಯಕ್ಷ ಜೆ.ಡಿ. ವ್ಯಾನ್ಸ್ ಅವರು ತಮ್ಮ ವಾಪಸಾತಿಯನ್ನು ಘೋಷಿಸಿದ್ದಾರೆ.
"ನಮ್ಮ ರೆಡ್ ಲೈನ್ ಗಳು ಯಾವುವು, ನಾವು ಅವುಗಳನ್ನು ಯಾವ ವಿಷಯಗಳಲ್ಲಿ ಅಳವಡಿಸಿಕೊಳ್ಳಲು ಸಿದ್ಧರಿದ್ದೇವೆ ಎಂಬುದನ್ನು ನಾವು ಸ್ಪಷ್ಟಪಡಿಸಿದ್ದೇವೆ, ಮತ್ತು ಯಾವ ವಿಷಯಗಳಲ್ಲಿ ನಾವು ಅವರಿಗೆ ಅವಕಾಶ ನೀಡಲು ಸಿದ್ಧರಿಲ್ಲ ಎಂಬುದನ್ನು ನಾವು ನಾವು ಸಾಧ್ಯವಾದಷ್ಟು ಸ್ಪಷ್ಟಪಡಿಸಿದ್ದೇವೆ. ನಮ್ಮ ನಿಯಮಗಳನ್ನು ಸ್ವೀಕರಿಸದಿರಲು ಆಯ್ಕೆ ಮಾಡಿಕೊಂಡಿರಬಹುದು" ಎಂದು ಇಸ್ಲಾಮಾಬಾದ್ ನಲ್ಲಿ ನಡೆದ ಮಾತುಕತೆಗಳ ಬಗ್ಗೆ ಪತ್ರಿಕಾಗೋಷ್ಠಿ ವ್ಯಾನ್ಸ್ ಹೇಳಿಕೆ ನೀಡಿದ್ದಾರೆ.