ആകാശം തെളിയുന്നതും കാത്ത് 550 വിദ്യാർഥികൾ: പരീക്ഷ ബോർഡിന്റെ നിർണായക നീക്കം; മൂല്യനിർണയത്തിൽ പുതിയ ഫോർമുല? ആശങ്ക

ദുബായ് ∙ ഗൾഫ് മേഖലയിൽ നിലനിൽക്കുന്ന അസാധാരണ സാഹചര്യവും സുരക്ഷാ ആശങ്കകളും കണക്കിലെടുത്ത് യുഎഇയിലെ കേരളാ ബോർഡ് എസ്എസ്എൽസി പരീക്ഷകൾ മാറ്റിവച്ചു. ഈ മാസം 30 വരെയുള്ള പരീക്ഷകളാണ് താല്ക്കാലികമായി നിർത്തിവച്ചിരിക്കുന്നത്. കേരളാ ബോർഡ് യുഎഇ ചാപ്റ്റർ കോ ഓർഡിനേറ്റർ നിതിൻ സുരേഷിന്റെ റിപ്പോർട്ടും തുടർന്ന് ചേർന്ന ഉന്നതതല യോഗവുമാണ് പരീക്ഷകൾ നീട്ടാൻ തീരുമാനിച്ചത്.

യുഎഇയിൽ മാർച്ച് 6 മുതൽ ഏപ്രിൽ 6 വരെ സ്പ്രിങ്(വസന്തകാലം) ബ്രേക്ക് പ്രഖ്യാപിച്ച സാഹചര്യത്തിൽ കുട്ടികളെ സ്‌കൂളിലെത്തിക്കുന്നത് പ്രായോഗികമല്ലെന്ന് അധികൃതർ വിലയിരുത്തി. മേഖലയിലെ സംഘർഷാവസ്ഥയും മിസൈൽ ഭീഷണികളെത്തുടർന്നുള്ള പ്രതിരോധ നടപടികളും കണക്കിലെടുത്താണ് പരീക്ഷാ ഭവൻ സെക്രട്ടറിയുടെ ഈ ഉത്തരവ്. മേഖലയിലെ സംഘർഷ സാഹചര്യം ഒഴിവായി, അനുകൂലമായി വരികയാണെങ്കിൽ പരീക്ഷകൾ പിന്നീട് നടക്കും. പുതുക്കിയ പരീക്ഷാ തീയതികൾ പിന്നീട് അറിയിക്കും.