ರಾಜ್ಯದಲ್ಲಿ ಹಾಲು ಉತ್ಪಾದನೆಯಲ್ಲಿ ನಂಬರ್ 1 ಸ್ಥಾನ ಪಡೆದಿದ್ದ ಕೆಎಂಎಫ್.. ಆದ್ರೆ ಬೇಸಿಗೆ ಆರಂಭದಲ್ಲೇ ಹಾಲು ಸಂಗ್ರಹದಲ್ಲಿ ಇಳಿಕೆ ಕಂಡು ಬಂದಿದೆ..!

ರಾಜ್ಯದಲ್ಲಿ ಹಾಲು ಉತ್ಪಾದನೆಯಲ್ಲಿ ನಂಬರ್ 1 ಸ್ಥಾನ ಪಡೆದಿದ್ದ ಕೆಎಂಎಫ್, ಇದೀಗ ಬೇಸಿಗೆ ಆರಂಭವಾಗುತ್ತಿದಂತೆ ಹಾಲು ಸಂಗ್ರಹದಲ್ಲಿ 95 ಲಕ್ಷಕ್ಕೆ ಕುಸಿತ ಕಂಡು ಬಂದಿದ್ದು, ಭಾರಿ ಪ್ರಮಾಣದ ಇಳಿಕೆಯಾಗಿದೆ. ಬೆಂಗಳೂರು: ರಾಜ್ಯದಲ್ಲಿ ಹಾಲು ಉತ್ಪಾದನೆಗೆ ಹೆಸರುವಾಸಿಯಾದ ಕೆಎಮ್​ಎಫ್​ ಇದೀಗ ಬೇಸಿಗೆ ಆರಂಭದಲ್ಲಿ ಭಾರೀ ಇಳಿಕೆ ಕಂಡು ಬಂದಿದೆ. ಬಿರು ಬೇಸಿಗೆ ಕಾರಣ ನಂದಿನಿ ಹಾಲು ಉತ್ಪಾದನೆ 95 ಲಕ್ಷ ಲೀಟರ್ ಕುಸಿತ ಕಂಡಿದೆ. ಈ ಮೊದಲು ಕೆಎಮ್​ಎಫ್​ನಲ್ಲಿ ನಿತ್ಯ 1 ಕೋಟಿ ಲೀಟರ್​ ಹಾಲು ಉತ್ಪಾದನೆ ಸಂಗ್ರಹವಾಗುತ್ತಿತ್ತು. 

ಬೇಸಿಗೆ ಶುರುವಾದ ಬಳಿಕ ಹಸುಗಳಿಗೆ ಮೇವು, ಹುಲ್ಲಿನ ಕೊರತೆ ಹೆಚ್ಚಾಗಿದೆ. ಹೀಗಾಗಿ ಬೇಸಿಗೆ ಆರಂಭದಲ್ಲೇ ರಾಜ್ಯ ಹೈನೋದ್ಯಮ ಮೇವು ಕೊರತೆಯಿಂದ ಹೈರಾಣ್​ ಆಗಿದೆ. ರಾಜ್ಯದ ಬಹುತೇಕ ಜಿಲ್ಲೆಗಳಲ್ಲಿ ಹಾಲಿನ ಇಳುವಳಿ ಕುಂಠಿತವಾಗಿದೆ. ಹಾಲು ಉತ್ಪಾದನೆ ಕುಸಿತದಿಂದ ಹೈನುಗಾರರ ಆದಾಯಕ್ಕೂ ಸಹ ಕುತ್ತು ಬಂದಿದೆ. ಚಳಿಗಾಲದಲ್ಲಿ ಹಾಲಿನ ಉತ್ಪಾದನೆ ನಿತ್ಯ 1 ಕೋಟಿ ಲೀಟರ್ ಇತ್ತು. ಬೇಸಿಗೆ ಆರಂಭವಾಗುತ್ತಿದ್ದಂತೆ ಹಾಲು ಸಂಗ್ರಹ ದಿಢೀರ್ ಕುಸಿತ ಕಂಡಿದೆ. ಏಪ್ರಿಲ್- ಮೇನಲ್ಲಿ ಮತ್ತಷ್ಟು ಹಾಲು ಉತ್ಪಾದನೆ ಕುಸಿಯುವ ಸಾಧ್ಯತೆ ಇದೆ ಎಂದು ಕೆಎಂಎಫ್‌ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ. 

 ಇದನ್ನೂ ಓದಿ: ‘ನಿಷ್ಕ್ರಿಯ ಇಚ್ಛಾಮರಣ’ಕ್ಕೆ ಸುಪ್ರೀಂ ಅನುಮತಿ.. ಹರೀಶ್ ರಾಣಾರ ತೀರ್ಪು ಓದುವಾಗ ಕಣ್ಣೀರಿಟ್ಟ ಜಸ್ಟೀಸ್ ಪರ್ದಿವಾಲಾ! ರಾಜ್ಯದಲ್ಲಿ ಕೆಎಮ್​ಎಫ್​ ನಿತ್ಯ ಒಂದು ಕೋಟಿ ಹಾಲು ಉತ್ಪಾದನೆ ಮಾಡಿ ಮೈಲಿಗಲ್ಲು ಸಾಧಿಸಿತ್ತು. ಬೇಸಿಗೆ ಆರಂಭದ ಬೆನ್ನಲ್ಲೇ, ನಿತ್ಯ 4 ರಿಂದ 5 ಲಕ್ಷ ಲೀಟರ್ ಹಾಲು ಉತ್ಪಾದನೆ ಇಳಿಕೆಯಾಗಿದೆ. ಯಾವಾಗಲೂ ಬೇಸಿಗೆಯಲ್ಲಿ ಹಾಲು ಉತ್ಪಾದನೆ ಇಳಿಕೆ ಕಂಡಿದ್ದು, ಈ ಬಾರಿಯೂ ಸಹ ಹಾಲು ಸಂಗ್ರಹದಲ್ಲಿ ಕುಸಿತ ಕಂಡಿದೆ ಅಂತ ಕೆಎಂಎಫ್‌ ಅಧಿಕಾರಿಗಳ ಮಾಹಿತಿ ನೀಡಿದ್ದಾರೆ.