ಪಂಜಾಬ್ ವಿರುದ್ಧ ಕೊನೆಗೂ ಆರ್​ಸಿಬಿ ತನ್ನ ಸೇಡು ತೀರಿಸಿಕೊಂಡಿದೆ. ನಿನ್ನೆ ಮಧ್ಯಾಹ್ನ ಚಂಡಿಗಡದಲ್ಲಿ ನಡೆದ ಪಂದ್ಯದಲ್ಲಿ 7 ವಿಕೆಟ್​ಗಳ ಭರ್ಜರಿ ಗೆಲುವಿನೊಂದಿಗೆ ಹೊಸ ದಾಖಲೆ ಬರೆದಿದೆ. ಆರ್​ಸಿಬಿ ಗೆಲುವಿಗೆ ಕನ್ನಡಿಗ ದೇವದತ್ತ ಪಡಿಕ್ಕಲ್ ಕೊಡುಗೆ ತುಂಬಾನೇ ಇದೆ. 35 ಬಾಲ್ ಎದುರಿಸಿದ ಪಡಿಕ್ಕಲ್, 174.29 ಸ್ಟ್ರೈಕ್ ರೇಟ್​ನಲ್ಲಿ ಬ್ಯಾಟ್ ಬೀಸಿದರು. ಬರೋಬ್ಬರಿ 4 ಸಿಕ್ಸರ್, ಐದು ಬೌಂಡರಿಯೊಂದಿಗೆ 61 ರನ್​ಗಳಿಸಿ ಹರ್ಪ್ರಿತ್ ಬ್ರಾರ್​​ಗೆ ವಿಕೆಟ್ ಒಪ್ಪಿಸಿದರು.