IPL 2026: ಡೆಲ್ಲಿ, ಕೆಕೆಆರ್ ತಂಡಗಳಿಗೂ ಇದೆ ಪ್ಲೇಆಫ್ ಅವಕಾಶ: ಇಲ್ಲಿದೆ ಸಂಪೂರ್ಣ ಲೆಕ್ಕಾಚಾರ
ಧರ್ಮಶಾಲಾ: ಪಂಜಾಬ್ ಕಿಂಗ್ಸ್ ವಿರುದ್ದದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಗೆಲುವು ಮತ್ತು ರಾಜಸ್ತಾನ ರಾಯಲ್ಸ್ ವಿರುದ್ದ ಡೆಲ್ಲಿ ಕ್ಯಾಪಿಟಲ್ಸ್ ನ ಗೆಲುವಿನ ಬಳಿಕ ಐಪಿಎಲ್ 2026ರ ಪ್ಲೇ ಆಫ್ ಲೆಕ್ಕಾಚಾರಗಳು ಬದಲಾಗಿದೆ. ಆಡಿದ 13 ಪಂದ್ಯಗಳಲ್ಲಿ 9ನೇ ಗೆಲುವು ಕಂಡ ಆರ್ ಸಿಬಿ ತಂಡವು ಮೊದಲ ತಂಡವಾಗಿ ಪ್ಲೇಆಫ್ ಗೆ ಪ್ರವೇಶ ಪಡೆದಿದೆ. ಕೊನೆಯ ಲೀಗ್ ಪಂದ್ಯದಲ್ಲಿ ರಜತ್ ಪಡೆ ಸನ್ ರೈಸರ್ಸ್ ಹೈದರಾಬಾದ್ ತಂಡವನ್ನು ಎದುರಿಸಲಿದೆ. ಹೈದರಾಬಾದ್ ವಿರುದ್ಧದ ಕೊನೆಯ ಲೀಗ್ ಪಂದ್ಯಕ್ಕೂ ಮುನ್ನವೇ ಆರ್ ಸಿಬಿ ಅಗ್ರ-ಎರಡು ಸ್ಥಾನಗಳಲ್ಲಿ ಸ್ಥಾನ ಪಡೆಯುವುದು ಖಚಿತವಾಗುತ್ತದೆ.
ಸೋಮವಾರ (ಮೇ 18) ಚೆನ್ನೈ ತಂಡವು ಹೈದರಾಬಾದನ್ನು ಸೋಲಿಸಿದರೆ ಅಥವಾ ಸಿಎಸ್ ಕೆ ಗುರುವಾರ (ಮೇ 21) ಗುಜರಾತನ್ನು ಸೋಲಿಸಿದರೆ ಆರ್ ಸಿಬಿ ಅಗ್ರ ಎರಡು ಸ್ಥಾನದಲ್ಲಿ ಲೀಗ್ ಮುಗಿಸಲಿದೆ. ಹೈದರಾಬಾದ್ನಲ್ಲಿ ಅವರ ಕೊನೆಯ ಪಂದ್ಯದಲ್ಲಿ ಗೆಲುವು ಸಾಧಿಸಿದರೆ ಬೆಂಗಳೂರು ಅಗ್ರ ಸ್ಥಾನವನ್ನು ಖಚಿತಪಡಿಸುತ್ತದೆ, ಏಕೆಂದರೆ ಬೇರೆ ಯಾವುದೇ ತಂಡವು 20 ಅಂಕಗಳೊಂದಿಗೆ ಅವರನ್ನು ಸರಿಗಟ್ಟಲು ಸಾಧ್ಯವಿಲ್ಲ. ಹೈದರಾಬಾದ್ ಮತ್ತು ಗುಜರಾತ್ ತಂಡಗಳು ಚೆನ್ನೈ ತಂಡವನ್ನು ಸೋಲಿಸಿ ನೆಟ್ ರನ್ ರೇಟ್ (NRR) ನಲ್ಲಿ ಆರ್ ಸಿಬಿಯನ್ನು ಹಿಂದಿಕ್ಕಿದರೆ ಮಾತ್ರ ಆರ್ ಸಿಬಿ 18 ಅಂಕಗಳ ಅಂತರದಲ್ಲಿ ಅಗ್ರ ಎರಡರ ಸ್ಥಾನದಿಂದ ಹೊರಗುಳಿಯಬಹುದು. ಆದರೆ ಹಾಲಿ ಚಾಂಪಿಯನ್ಗಳು ಇಲ್ಲಿಯೂ ಉಳಿದವರಿಗಿಂತ ಉತ್ತಮವಾಗಿ ಮುಂದಿದ್ದು, ಇದು ಅತ್ಯಂತ ಅಸಂಭವ ನಿರೀಕ್ಷೆಯಾಗಿದೆ.