കുവൈറ്റ് അന്താരാഷ്ട്ര വിമാനത്താവളത്തിലെ ഇന്ധന ടാങ്കിനെ ലക്ഷ്യമാക്കി ഡ്രോണ് ആക്രമണം; ആളപായമില്ല
കുവൈത്ത് അന്താരാഷ്ട്ര വിമാനത്താവളത്തിലെ ഇന്ധന ടാങ്കിനെ ലക്ഷ്യമാക്കി നടത്തിയ ഡ്രോണ് ആക്രമണത്തിൽ തീപിടിത്തമുണ്ടായതായി ഡയറക്ടറേറ്റ് ജനറൽ ഓഫ് സിവിൽ ഏവിയേഷൻ വക്താവ് അറിയിച്ചു. ബുധനാഴ്ച പുലർച്ചെയാണ് തിപിടിത്തമുണ്ടായതെന്ന് ഡയറക്ടറേറ്റ് ജനറൽ ഓഫ് സിവിൽ ഏവിയേഷൻ (ഡി ജി സി എ) ഔദ്യോഗിക വക്താവ് അബ്ദുല്ല അൽ-രാജ്ഹി അറിയിച്ചു. പ്രാഥമിക വിവരങ്ങൾ പ്രകാരം സംഭവത്തിൽ ഭൗതിക നാശനഷ്ടങ്ങൾ മാത്രമാണ് ഉണ്ടായിട്ടുള്ളതെന്ന് അദ്ദേഹം പറഞ്ഞു. ആളപായമോ പരുക്കുകളോ റിപ്പോർട്ട് ചെയ്തിട്ടില്ലെന്ന് അദ്ദേഹം കൂട്ടിച്ചേർത്തു.
സംഭവത്തെ തുടർന്ന് അടിയന്തര സുരക്ഷാ സംവിധാനം ഉടൻ സജീവമാക്കിയതായും അഗ്നിശമനസേന അതിവേഗം സ്ഥലത്തെത്തി തീ നിയന്ത്രണവിധേയമാക്കിയതായും അദ്ദേഹം വ്യക്തമാക്കി. സംഭവസ്ഥലത്ത് ബന്ധപ്പെട്ട അധികാരികൾ തുടരന്വേഷണം നടത്തിക്കൊണ്ടിരിക്കുകയാണെന്നും, സംഭവത്തിന്റെ ആഘാതം വിലയിരുത്തുന്നതിനുള്ള നടപടികൾ പുരോഗമിക്കുന്നതായും അധികൃതർ അറിയിച്ചു.