കട്ടിളപ്പാളി കേസ് ; തന്ത്രിയുടെ രണ്ടാം ജാമ്യവും റദ്ദാക്കണമെന്ന് ഹൈക്കോടതിയിൽ എസ്ഐടി
ശബരിമല കട്ടിളപ്പാളി കേസില് തന്ത്രി കണ്ഠര് രാജീവരരുടെ ജാമ്യം റദ്ദാക്കണമെന്നാവശ്യപ്പെട്ട് പ്രത്യേക അന്വേഷണ സംഘം ഹൈക്കോടതിയെ സമീപിച്ചു. തന്ത്രിക്ക് ജാമ്യം നല്കിയ കൊല്ലം വിജിലന്സ് കോടതി വിധിക്കെതിരെയാണ് എസ് ഐ ടി ഹൈക്കോടതിയില് അപ്പീല് നല്കിയത്. അപ്പീല് ഫയലില് സ്വീകരിച്ച കോടതി തന്ത്രി കണ്ഠര് രാജീവര്ക്ക് നോട്ടീസയച്ചു. ദ്വാരപാലക ശില്പ്പ പാളി കേസില് തന്ത്രിയുടെ ജാമ്യം റദ്ദാക്കണമെന്നാവശ്യപ്പെട്ട് എസ് ഐ ടി നേരത്തെ ഹൈക്കോടതിയില് അപ്പീല് നല്കിയിരുന്നു.
ഒന്നാംപ്രതി ഉണ്ണിക്കൃഷ്ണൻ പോറ്റിയുമായി തന്ത്രിക്ക് അടുത്ത ബന്ധമുണ്ടെന്നതിന് തെളിവായി ശബ്ദസന്ദേശങ്ങളും സാക്ഷിമൊഴികളുമുണ്ടെന്ന് എസ് ഐ ടി കോടതിയെ ബോധിപ്പിച്ചിരുന്നു. തന്ത്രിക്കെതിരെ തെളിവില്ലെന്ന കൊല്ലം വിജിലന്സ് കോടതിയുടെ പരാമര്ശം ഹൈക്കോടതി നേരത്തെ സ്റ്റേ ചെയ്തിരുന്നു.രണ്ട് അപ്പീലുകളും ഒരുമിച്ച് പരിഗണിക്കാനാണ് ഹൈക്കോടതി തീരുമാനം.