63,00,00,00,000 ರೂ.: ಅಬ್ಬಾಬ್ಬ ಸುಂದರ್ ಪಿಚೈ ವೇತನದಲ್ಲಿ ಮತ್ತೆ ಏರಿಕೆ

ಫೈನಾನ್ಷಿಯಲ್ ಟೈಮ್ಸ್ ವರದಿಯ ಪ್ರಕಾರ, ಆಲ್ಫಾಬೆಟ್ ಸಿಇಒ ಸುಂದರ್ ಪಿಚೈಗೆ ಮುಂದಿನ ಮೂರು ವರ್ಷಗಳಿಗೆ $692 ಮಿಲಿಯನ್ (₹63,617 ಕೋಟಿ) ಬೃಹತ್ ಸಂಭಾವನೆ ಘೋಷಿಸಿದೆ. ಗೂಗಲ್ ಮಾರುಕಟ್ಟೆ ಮೌಲ್ಯವನ್ನು $3.6 ಟ್ರಿಲಿಯನ್‌ಗೆ ಹೆಚ್ಚಿಸಿದ ಮತ್ತು ವೇಮೋ, ವಿಂಗ್‌ನಂತಹ ಸ್ವಾಯತ್ತ ತಂತ್ರಜ್ಞಾನಗಳಲ್ಲಿ ಸಾಧಿಸಿದ ಪ್ರಗತಿಗಾಗಿ ಈ ಮಹತ್ವದ ಪ್ಯಾಕೇಜ್ ನೀಡಲಾಗಿದೆ. ಇದು ಪಿಚೈ ಅವರ ನಾಯಕತ್ವದ ಯಶಸ್ಸನ್ನು ಪ್ರತಿಬಿಂಬಿಸುತ್ತದೆ. 

ಫೈನಾನ್ಷಿಯಲ್ ಟೈಮ್ಸ್ ವರದಿಯ ಪ್ರಕಾರ, ಗೂಗಲ್‌ನ ಮಾತೃಸಂಸ್ಥೆಯಾದ ಆಲ್ಫಾಬೆಟ್ ತನ್ನ ಸಿಇಒ ಸುಂದರ್ ಪಿಚೈ ಅವರಿಗೆ ಮುಂದಿನ ಮೂರು ವರ್ಷಗಳ ಕಾಲ ಒಟ್ಟು $692 ಮಿಲಿಯನ್ (ಸುಮಾರು 63,617 ಕೋಟಿ ರೂ) ಸಂಭಾವನೆಯನ್ನು ಘೋಷಿಸಿದೆ. ಕಂಪನಿಯ ಮಾರುಕಟ್ಟೆ ಮೌಲ್ಯವನ್ನು ಹೆಚ್ಚಿಸಿದ ಮತ್ತು ಸ್ವಾಯತ್ತ ತಂತ್ರಜ್ಞಾನದಲ್ಲಿ (Autonomous Ventures) ಸಾಧಿಸಿದ ಪ್ರಗತಿಯನ್ನು ಪರಿಗಣಿಸಿ ಈ ಭಾರಿ ಮೊತ್ತವನ್ನು ನೀಡಲಾಗುತ್ತಿದೆ. $126 ಮಿಲಿಯನ್ ಮೌಲ್ಯದ ಪರ್ಫಾರ್ಮೆನ್ಸ್ ಸ್ಟಾಕ್ ಯೂನಿಟ್‌ಗಳನ್ನು ನೀಡಲಾಗಿದ್ದು, ಗುರಿ ಮೀರಿದರೆ ಇದು $252 ಮಿಲಿಯನ್ ವರೆಗೆ ಏರಿಕೆಯಾಗಬಹುದು. 

ಪಿಚೈ ಅವರ ನೇತೃತ್ವದ ವೇಮೋ (Waymo) ಸ್ಟಾಕ್‌ನಲ್ಲಿ $130 ಮಿಲಿಯನ್ (11,951,628,000) ಮತ್ತು ವಿಂಗ್ ಏವಿಯೇಷನ್ (Wing) ಶೇರುಗಳಲ್ಲಿ $45 ಮಿಲಿಯನ್ (4,13,71,02,000.00) ಬೋನಸ್ ಸೇರಿದೆ. ಇವುಗಳ ಮೌಲ್ಯವೂ 200% ರಷ್ಟು ಹೆಚ್ಚಾಗುವ ಸಾಧ್ಯತೆಯಿದೆ. ವಾರ್ಷಿಕ $2 ಮಿಲಿಯನ್ (18,38,71,200) ವೇತನದ ಜೊತೆಗೆ, ಪ್ರತಿ ತಿಂಗಳು ವೆಸ್ಟ್ ಆಗುವ $84 ಮಿಲಿಯನ್ (91,935.60) ಮೌಲ್ಯದ ರೆಸ್ಟ್ರಿಕ್ಟೆಡ್ ಸ್ಟಾಕ್ ಕೂಡ ಪ್ಯಾಕೇಜ್‌ನ ಭಾಗವಾಗಿದೆ. 2015ರಲ್ಲಿ ಪಿಚೈ ಸಿಇಒ ಆದಾಗ ಗೂಗಲ್ ಮೌಲ್ಯ $535 ಬಿಲಿಯನ್ ಇತ್ತು. ಇಂದು ಅದು ಸುಮಾರು $3.6 ಟ್ರಿಲಿಯನ್ (₹300 ಲಕ್ಷ ಕೋಟಿಗೂ ಅಧಿಕ) ತಲುಪಿದೆ.