மெகா சதம்... பிராட்மேன், சேவாக் வரிசையில் டிராவிஸ் ஹெட்!

சிட்னி டெஸ்ட் போட்டியில் டிராவிஸ் ஹெட் இன்று 3-ம் நாள் ஆட்டத்தில் பெரிய சதம் ஒன்றை எடுத்து ஆட்டமிழந்தார். நேற்று 91 என்று இருந்த ஹெட், சதம் எடுத்து பிறகு 150 ரன்களையும் கடந்து 163 ரன்கள் எடுத்து உணவு இடைவேளைக்குப் பிறகு ஜேக்கப் பெத்தெல் பந்தை ஸ்வீப் ஆட முயன்று எல்.பி.டபிள்யூ ஆனார்.

 இன்று காலை 166/2 என்று தொடங்கியது ஆஸ்திரேலியா, ஆனால் இங்கிலாந்து, ‘மெல்போர்ன் வெற்றியை மறந்து விட்டோம்... நாங்கள் பேக் டு ஃபார்ம்’ என்பது போல் மீண்டும் ஷார்ட் பிட்ச் உத்திக்கு வந்து தாறுமாறாக வீசியதோடு கேட்ச்களை கோட்டை விட்டனர். இதனால் டிராவிஸ் ஹெட் விரைவில் தொடரின் 3-வது சதத்தை எடுத்தார்.