உச்ச அதிகாரப் புள்ளியின் ‘பேரவை’ நிலை வருத்தம் | உள்குத்து உளவாளி
ஆட்சி மட்டத்தின் உச்ச அதிகாரப் புள்ளியானவர், அண்மையில் அருவி மாவட்டத்துப் பக்கம் நட்பு ரீதியில் ஒரு நிகழ்ச்சிக்காக சென்றிருந்தாராம். மிஷனரிகள் சம்பந்தப்பட்ட கல்விக்கூட திறப்பு விழாவாம் அது. அங்கே ரிப்பன் வெட்டிய பிறகு தனது நெருக்கமான நண்பர்கள் சிலருடன் பேசிக் கொண்டிருந்தாராம் அதிகாரப் புள்ளி. அப்போது, பேரவை நடப்புகள் குறித்து பேச்சுத் திரும்பியதாம். அது குறித்து நிஜமான வருத்தத்துடன் பேசிய அதிகாரப் புள்ளி, “நானும் எவ்வளவோ சொல்லிப் பாக்குறேன். கேக்க மாட்டேங்குறாங்க.
நம்ம தரப்புல சில பேரு மறுபடி மறுபடி வெறுப்பேத்துற மாதிரியே பேசுறாங்க. மாண்புமிகு ஒருவரின் பெயரைக் குறிப்பிட்டு இவங்க தான் அப்படி இருக்காங்கன்னா அனுபவம் வாய்ந்த சூரியக் கட்சிக்காரங்க அதுக்கு மேல இருக்காங்க. பேரவை ஆரோக்கியமான விவாதங்களோட நடந்தா மக்களுக்கு இன்னும் எவ்வளவோ நல்லது செய்யலாம். இது யாருக்கும் புரியமாட்டேங்குது.இதையெல்லாம் பார்க்கையில உண்மையிலயே மனசுக்கு ரொம்பக் கஷ்டமா இருக்குங்க” என்று வேதனைப்பட்டாராம்.
