காலை உணவுத் திட்டம் விரிவாக்கத்தை தொடங்கி வைத்து மாணவர்களுடன் உணவருந்திய முதல்வர் விஜய்
சென்னை: அரசுப் பள்ளிகளில் 6 முதல் 8-ம் வகுப்பு வரை பயிலும் நடுநிலைப்பள்ளி மாணவர்களுக்கான பெருந்தலைவர் காமராஜர் காலை உணவுத் திட்ட விரிவாக்கத்தை முதல்வர் விஜய் சென்னையில் இன்று தொடங்கி வைத்தார்.
சென்னை திருவான்மியூரில் உள்ள அரசு நடுநிலைப் பள்ளியில் காலை உணவு திட்ட விரிவாக்கத்தை முதல்வர் விஜய் தொடங்கி வைத்து, மாணவர்களுக்கு உணவு பரிமாறி, அவர்களுடன் அமர்ந்து உணவருந்தினார். தொடர்ந்து பள்ளி வளாகத்தை பார்வையிட்டு, மாணவர்களுக்கு வாழ்த்து தெரிவித்தார்.
இந்த நிகழ்வில் அமைச்சர்கள் ஆனந்த், ஆதவ் அர்ஜுனா, ராஜ்மோகன், ஜெகதீஸ்வரி, தலைமைச் செயலர் சாய்குமார் மற்றும் துறை அதிகாரிகள் பங்கேற்றனர்.
முதல்வர் விஜய் வருகையையொட்டி, பள்ளி மற்றும் அதன் சுற்றுப்புற பகுதியில் பாதுகாப்பு ஏற்பாடுகளை போலீஸார் மேற்கொண்டனர். மேலும், முதல்வர் விஜய்யை காண்பதற்காக பள்ளி மாணவர்களின் பெற்றோர்கள் மற்றும் பொதுமக்கள் பள்ளிக்கு வெளியில் திரண்டிருந்தனர்.
இடைத்தேர்தல் நடைபெற உள்ள மதுராந்தகம், தாராபுரம் தொகுதிகள் தவிர்த்து மற்ற அனைத்து மாவட்டங்களிலும் இத்திட்டம் இன்று முதல் அமலுக்கு வந்துள்ளது.
