హర్మూజ్ కాదు.. ఈ సముద్ర మార్గమే అత్యంత ప్రాణాంతకం!
ఇంటర్నెట్ డెస్క్: అమెరికాతో ఉద్రిక్తతల నేపథ్యంలో హర్మూజ్ జలసంధిలోని నౌకలను ఇరాన్ లక్ష్యంగా చేసుకుంటోంది. ఈ దాడుల్లో విధి నిర్వహణలో ఉన్న మర్చంట్నేవీ నావికులు చనిపోతున్నారు. అయితే.. ఈ ఏడాది ఓ సముద్ర మార్గం హర్మూజ్ను మించి ప్రమాదకరంగా మారింది. అదే నల్ల సముద్రం (Black Sea). ఉక్రెయిన్- రష్యా యుద్ధం తీవ్రమైన వేళ.. ఈ ఏడాది హర్మూజ్లో జరిగిన దాడుల కన్నా.. నల్ల సముద్రంలో జరిగిన దాడుల వల్లే ఎక్కువ మంది ప్రాణాలు కోల్పోయినట్లు ఓ అంతర్జాతీయ మీడియా కథనం పేర్కొంది.
సముద్ర భద్రతా సంస్థ ‘ఆంబ్రే’ (Ambrey) గణాంకాల ప్రకారం.. ఈ ఏడాదిలో ఇప్పటివరకు నల్ల సముద్రంలో 300కుపైగా దాడులు జరిగాయి. 30 మందికిపైగా నావికులు మృతి చెందారు. మరో 20 మందికి పైగా గల్లంతయ్యారు. అదే హర్మూజ్ సహా పశ్చిమాసియా ప్రాంతంలో నౌకలపై జరిగిన 130 దాడుల్లో.. 25 మంది ప్రాణాలు కోల్పోయారు.